Muturreko eskuinaGallery
Deskribapena
Deskribapena
Vicente Cuervo Calvo eskuin muturreko pertsona batek erail zuen Madrileko Vallecas auzoan, 1980ko otsailaren 10ean. Egun hartan, Blas Piñar zuzendari zuen eskuin muturreko Fuerza Nueva (FN) alderdiarekin lotura zuen FNT sindikatuak mitin bat antolatua zuen Paris zinemaren inguruetan. Egun gutxi batzuk lehenago, Yolanda Gómez gaztearen erailketa zitala gertatua zen, eskuin muturreko hiltzaileen eskutik hori ere.
Mitin horren iragarkiaren aurkako protesta moduan, zenbait auzoko eta elkarte ezkertiarrek mobilizaziorako deialdia egin zuten kaleetan. Tentsioak saihesteko, Madrileko Gobernu Zibilak ez zuen baimenik eman FNTren ekitaldia egiteko. Hala eta guztiz ere, FNTren jarraitzaileak mitinera joan ziren.
Vicente Cuervo gazte egonezina zen eta anarkismoarekiko konpromiso ideologikoa zuen. Antonio López kaleko Telefunken fabrikan lan egiten zuen eta CNT sindikatuaren militantea zen. 1980ko otsailaren 10eko goizean FNTren mitinaren aurkako protestetara hurbildu zen bere bikotekidearekin eta zenbait lagunekin. Poliziak karga gogorrak egin zituen manifestatzaileen aurka, makil eta kateekin, eta horrek korrikaldiak eragin zituen Carlos Martín Álvarez kaletik Portazgora bidean, indarkeriatik ihes egiteko. Vicente eta bere lagunak sakabanatu egin ziren.
Istilu hauetan zehar, adin ertaineko pertsona batek Vicente Cuervo erail zuen su arma batekin, Dones taberna aurreko kalezuloan. Zenbait auzokok ere ikusi zuten gertatutakoa, baina ez zen inolako susmagarririk identifikatu. Vicenteren bikotekidea, Paz, bi kotxeren artean ezkutatu zen eta, Vicenteren bila irten zenean, lurrean botata aurkitu zuen, tiroaren ondoriozko odolarekin. Kasua handik hiru hilabete eskasera artxibatu zen eta zigorgabe gelditu zen. Gainera, Vicenteren familiak presioak jaso zituen prozesu judizialarekin aurrera ez egiteko, telefono dei anonimoen bidezko mehatxuak barne. Are gehiago, garai hartan Madrileko gobernadore zibila zen Juan José Rosónen deiak jaso zituzten, Vicenteren anaiei lana eskaintzeko.
#TalDiaComoHoy de 1980 un terrorista de extrema derecha asesinó en el barrio de #Vallecas #Madrid al activista y anarquista Vicente Cuervo Calvo de un disparo. Unos días antes habían asesinado brutalmente a Yolanda González.
— Consuelo Ordóñez (@ConsuorF) February 10, 2023
Otra historia de terror, olvido e #Impunidad
HILO ⤵️ pic.twitter.com/8M74iavPGt