Ramiro Quintero Ávila

Deskribapena

1978ko urriaren 2an, azken orduan, ETAk Ramiro Quintero Ávila basozaina hil zuen Lizartzan. Horren aurretik, urte horretako uztailaz geroztik ETAko Uzturre taldeko kide batzuek biktimaren mugimenduak zaindu zituzten, eta horrela jakin ahal izan zuten herriko Leku Alai tabernara joaten zela, etxe azpian baitzuen, Zubiaurre etxea deituan.

Informazio hori zutela, terroristek auto bat lapurtu zuten, armaz, Ordizian. Auto horretan, taldeko hiltzaileak Araxes ibaiaren gaineko Larraenea zubira joan ziren, Tolosatik zortzi kilometrora, biktima joan ohi zen tabernatik oso gertu.

Gau horretan, Ramiro lagun batzuekin irten zen tabernatik, tartean zela Jose Antonio Olano Ormaetxea, Lizartzako orduko alkatea. Une horretan etakideak Seat 127 zuri baten barruan zeuden, zubitik gertu zain; ibilgailua martxan jarri, haietako bat ibilgailutik bizkor jaitsi, eta zenbait tiro jo zizkion Ramiro Quinterori berbertatik. Quinteroren emaztea eta alabetako bi izan ziren laguntzera joan zitzaizkion aurrenak, familiaren etxea gertu zegoen eta.

Prentsa