ETAGallery
Deskribapena
Deskribapena
Francisco Arratibel Fuentes paseoa egiten ari zen 12 urteko bere seme Borjarekin eta Jesus Maria Alkain koinatuarekin, Tolosako inauterietan parte hartzen ari zela. Urtero bezala, alde zaharreko Beti Alai tabernan aperitibo bat hartua zuen Kabila konpartsako lagunekin, 20 urte baitzeramatzan jada haren zuzendari gisa.
Eguerdia baino lehentxeago, txilaba beltz, ileorde eta gorro arabiarrekin mozorrotutako bi pertsona atzetik hurbildu eta berbertatik egin zioten tiro buruan Arratibeli.
Artean bizirik zela, DYAk Tolosako Asuncion klinikara eraman zuen biktima, baina ezin izan zuten bizirik atera. Haren bizia salbatzeko ahaleginak alferrik izan ziren, eta klinikan, garai hartako kronikek jaso moduan, atsekabezko eszenak izan ziren senide eta lagunen artean, arropak odolez beterik zituztela.
1978an biktimak min hartu zuen zangoan, etakide batekin borrokan ari zela, hark aita bahitu nahi baitzuen, familiaren haragi-fabrikan, terroristen xantaia ekonomikoa ordaintzeari uko egiteagatik. Arratibel behin baino gehiagotan mehatxatu zuen ETAk, 1988an talde terroristak Emiliano Revilla enpresaria askatzearen truke eskatutako erreskatearen ordainketan bitartekari aritu zenez geroztik. Izan ere, hil baino hilabete batzuk lehenago, ETAk bonba bat jarri zion enpresako atean; orduan, Ertzaintzak desaktibatu zuen artefaktua.
Prentsa
