ETAGallery
Deskribapena
Deskribapena
José Ramón Domínguez Burillo Martutene auzoko bere etxetik irten zenean Donostiako kartzelan zuen lanera joateko, kalean zain zeuzkan ETAko bi pistolari atzetik hurbildu eta bi tiro jo zizkioten, lepoan eta buruan.
Detonazioak entzun zituztenean, bizilagun batzuek kalera begiratu zuten, baina ordu horretako iluntasuna zela eta auto aparkatuek ere ikusten uzten ez zutela-eta, ez ziren konturatu biktimaren gorputza espaloian zegoela. Hiltzeko zauriak zituela, José Ramón 20 minutuz egon zen odolusten, harik eta eskolara zihoan hamar urteko haur batek aurkitu zuen arte. Donostiako Gurutze Gorriaren ospitalera eraman zuteneko hila zen jada.
Atentatuaren hurrengo egunean bost minutuko geldialdia deitu zuten Espainiako espetxe guztietan; jarraipen masiboa izan zuen. Martutenen protestarekin bat egin zuten ETAko zenbait terrorista kondenatuk, gehienak birgizarteratze egoeran baitzeuden. Izan ere, Domínguez Burilloren kontrako atentatua ETAk terrorista kartzelatuen birgizarteratzearen kontra jotako erasotzat ulertu zuten hedabideek.
Prentsa
