ETAGallery
Deskribapena
Deskribapena
Jesús Ildefonso García Vadillok bost urteko Idoia alaba eskolatik jaso berria zuen. Umeari eskutik helduta, oinez abiatu zen etxerantz eta, bidean zehar, terrorista bat pistola batekin hurbildu eta burua destatu zion. Jesús ostikoka hasi zen erasotzailearen kontra, lehen tiroak jo zezan saihestuz horrela. Segidan, emakume bat hurbildu eta bi tiro jo zizkion berbertatik. Larri zaurituta zegoela, Jesús ihes egiten saiatu zen, ‘ez naiz ni, ez naiz ni’ esaten zuela, Idoia umeak ‘Utzi nire aita, utzi nire aita!’ deiadar egiten zuen bitartean. Metro batzuk egitea lortu zuen, labaindu eta lurrera erori baino lehen. Lurrean arrastaka ibili zen, supermerkatu bateko paretaraino. Han, alabaren aurrean, terroristak errematatu egin zuen. Idoia aitaren gorpuaren ondoan geratu zen, emakume batek hurbileko farmazia batera eraman zuen arte.
Poliziaren susmoen arabera, etakideek Basauriko kuarteleko polizia batekin nahastu zuten García Vadillo, antza zuten eta. Hurrengo egunean, Acero Echeverría-ko langileek geldialdia eta Galdakaoko kaleetan zehar manifestazioa egin zuten.
Prentsa
