Ignacio Bañuelos Lasso

Deskribapena

ETAko komando batek lapa-bonba bat jarri zuen Ignacio Bañuelos Lasso saltzaile ibiltariaren ibilgailuaren azpialdean; txatarrarekin salerosketan ibiltzeko erabiltzen zuen kamioneta zahar bat zen. Leherketak bete-betean harrapatu zuen Ignacio; kamionetaren kontrola galdu eta diskoteka zahar baten fatxadaren kontra jo zuen. Gorpua kabinan harrapatuta geratu zen, ezkerreko zangoa gorputz-enborretik ia-ia bereizia zuela.

Ez zen ETAk Bañuelos familiari eraso egiten zion lehen aldia. Urtebete lehenago, 1988ko urriaren 7an, Ignacioren lehengusu Ramon Bañuelos metodo bera erabiliz hil zuten. 1991ko urtarrilean, familia bereko bi emakume, María García Bañuelos eta haren alaba Laura Manzanares García, hamaika urtekoa, larri zauritu zituzten erabiltzen zuten furgonetaren azpialdean itsatsitako bonba baten bitartez.

Hildakoaren bizilagun batzuek Poliziari esan zioten biktima droga trafikoan sartuta zegoela, baina familiak gezurtatu egin zuen hori.

Prentsa