ETAGallery
Deskribapena
Deskribapena
Francisco Javier Gómez Elosegi etxetik atera zen, Donostiako Gros auzoan, lanera joateko. 100 bat metro baino ez zituenean egin, bi terrorista hurbildu zitzaizkion, neska eta mutila. Mutilak, txanoa eta betaurrekoak jantzirik zeramatzala, heriotza eragin zion tiroa jo zion psikologoari buruan; segidan, etakideek ihes egin zuten.
Justu pareko espaloian, Soroa tabernan, hiru polizia nazional zeuden kale-jantzian. Pertsona kaputxadun bat igarotzen ikusi zutenean tabernatik atera ziren, eta erreakzionatzeko aukera izan baino lehen, Gómez Elosegiri tiro egiten ziotela ikusi zuten. Berehala alto eman zieten terroristei, eta haien atzetik korrika abiatu ziren, psikologoa ordurako oso larri zaurituta zegoela lurrean. Groseko kaleetan zeharreko jazarpenean tiro trukea izan zen polizia nazionalen eta etakide bien artean. Azkenean, polizia nazionaletako bat Fernando Elejalde Tapiari oldartu zitzaion Jose Arana kalean, eta menderatzea lortu zuen.
Gómez Elosegiri garondoan tiro egin eta hil zuen terroristak urte horretan bertan, urtarrilaren 30ean, Eugenio Olaziregi hiltzeko erabili zuten arma bera erabili zuen.
Hilketa baino gutxi lehenago, Herri Batasunako politikari Jose Maria Olarrak honako mehatxua egin zien kartzeletako funtzionarioei: «Zuek uste duzue gure presoak ezagutzen dituzuela, haien izen-abizenak badakizkizue, baina presoek eta guk ere badakizkigu zuen izen-abizenak, zuen ohiturak, portaerak eta ahuleziak».
Prentsa
