Antonio Díaz García

Deskribapena

Antonio Diaz García bere jabetzako La Gramola tabernatik etxera zihoan, baina terrorista bat edo bi zituen etxeko eskailera buruan zain. Bi tiro hartu zituen buruan, eta unean bertan hil zen. Inor ez zen gertatuaz jabetu, harik eta goizeko 6etan bizilagunetako bat lanera joateko etxetik atera zen arte. Ordu batzuk lehenago Oiartzunen armaz lapurtutako auto bat erabili omen zuten terroristek ihes egiteko.

Komando Autonomo Antikapitalistek hilketa erreibindikatu eta biktima droga munduarekin lotuz justifikatu bazuten ere, ETA militarrak faltsutzat jo zuen komunikatua, eta autoa lapurtu zioten Oiartzungo bizilagunaren identitateari buruzko datuak eman zituen.

Prentsa