Tomás Palacín Pellejero

Jaioterria: Aragón

Adina: 43

Seme-alabak: 2

Egoera zibila: Ezkonduta

Lanbidea: Polizia Nazionaleko kabo lehena

Atentatuaren data: 13/04/1984

Atentatuaren lekua: Pamplona

Errudunak: Comando Nafarroa: Mercedes Galdós, Juan José Legorburu, Jesús Jiménez Zurbano, José Ramón Martínez de la Fuente

Arma: Bonba-autoa

Hiltzailea: ETA

Deskribapena

Nafarroa taldeko terroristek Jesús Alcocer enpresaria Mercairuñan tirokatu eta gero, Renault 18 batean ihes egin zuten eta Ermitagaña auzoan aparkatu zuten, Arcadio María Larraona kalean, hain zuzen ere. Ondoan, Navarro Villoslada institutua zegoen. Barruan, bonba bat utzi zuten. Hilketaren lekukoek autoari buruzko informazioa eman zioten Poliziari eta minutu gutxi barru non zegoen jakin zuten. Bi agente, Tomás Palacín eta Juan José Visiedo, kotxera hurbildu ziren. Orduan, Mercedes Galdós terroristak lehergailua aktibatu zuen. Handik hurbil zegoen mojaz mozorrotuta eta dena ikusi zuen. Eztanda hiri osoan entzun zen eta bi poliziak txikitu zituen.

Tomás Palacín agentearen hileta elizkizuna Zaragozako kuartelean ospatu zen. Poliziak 43 urte zituen, ezkonduta zegoen eta bi seme-alaba zituen.