Robert Edouard Caplanne

Deskribapena

1985ko abenduaren 25an, goizean, Robert Caplanne argiketari frantsesa kafe bat hartzera joan zen lanaldia hasi baino lehen, ohikoa zuen moduan. 7.50ak aldera, Biarritz (Ipar Euskal Herria) hiriko Royal tabernatik atera eta autoa bilatzera joan zen. Gizon batek bidea moztu zion eta, hitz bat bera ere esan gabe, hurbil-hurbiletik tiro egin zion. Caplannek lepoan, toraxean eta sabelan jaso zituen balazoak. Ospitalera eraman zuten eta hamar egun eman zituen. Baina urtarrilaren 6an hil zen.

Espainiako Auzitegi Nazionalak Javier Roviera Llor zigortu zuen hilketaren autorea izateagatik. José Luis Fariñas, Jorge Porta eta Carlos Pedemonte ere zigortu zituen atentatuan parte hartzeagatik. Epaiketan, GAL erakundearen kideak zirela onartu zuten eta biktima ETAko kide batekin nahastu zutela azaldu zuten. Talde horren burua Ismael Miquel Gutiérrez zen eta hilketaren eragilea izan zen.

Prentsa