Ramón Coto Abad

Deskribapena

Ramón Coto Abad Bilboko Nafarroa kalean zegoen eta loteria-administrazioa ere bazen estanko batera joan zen. Ramón erretiratuta zegoen jada, establezimenduaren jabeen laguna zen, eta enkargu batzuk eginez laguntzen zien, berak diru pixka bat irabazten zuela.

1980ko irailaren 29an, 13:30 inguruan, ETAko Orbaitzeta taldeko kide batzuk estankora joan ziren, Ramón Coto hiltzera, “Cristo Reyko gerrillari” izatea leporatzen baitzioten. Ramón aulki batean zegoen eserita, mostradorearen atzean, jabearekin eta establezimenduko langile batekin hizketan, eta etakideetako batek zenbait tiro jo zizkion, besteak, bitartean, lokaleko atea zaintzen zuela. Baletako batek ezkerreko besapea zeharkatu eta gerrialdetik atera zitzaion. Coto urriaren 2an hil zen, zaurien ondorioz.

Prentsa