Ramiro Carasa Pérez

Deskribapena

Egin egunkariak dei bat jaso zuen 1982ko martxoaren 30eko gaueko 10ak inguruan. Horretan ziotenez, Ramiro Carasa doktorea “exekutatu egin zuten, galdekatu ostean”, eta gorpua Urnieta eta Andoain arteko mendi batean zegoen. Egunkariko kazetariek Poliziari abisua eman, lekura inguratu, eta agenteek baino lehen aurkitu zuten gorpua. Gorpuak torturatua izanaren zantzuak zeuzkan: eskuak bizkarrean zeuzkan lotuta, hematoma handi bat begian, haustura bat burezurrean eta bost tiro buruan.

Carasa doktorea traumatologoa zen Arantzazuko Ama Ospitalean. Hilketa baino egun batzuk lehenago, zurrumurru batzuek zioten arta medikua ukatu ziola Rancho Chileno jatetxean atentatu batean zauritutako etakide bati; atentatu hartan hiru pertsona hil zituzten. Medikuen Elkargoak gezurtatu egin zuen informazio hori, beranduegi zen ordea.

Carasa lanetik irten zen, Madrila joan behar baitzuen; une horretantxe egin zioten eraso terroristek. Etakideetako batek ibilgailuan sarrarazi zuen, eta Urnieta inguruko leku batera eraman zuten; han galdekatu, eta hil arte tirokatu zuten. Terroristek Lasarten utzi zuten biktimaren autoa.

Prentsa