Pedro Manuel Escuder Gimeno

Adina: 29

Seme-alabak: 0

Egoera zibila: Ezkongabea

Lanbidea: Zinpeko zaindaria

Atentatuaren data: 07/04/1993

Atentatuaren lekua: Zaragoza

Arma: Bestelako lehergailuak

Hiltzailea: GRAPO

Deskribapena

1993ko apirilaren 7an, gauean, GRAPO erakundeko Guadiana komandoa Zaragozako Delicias auzora joan zen. Merkatal-zentro handi bateko diru-sarrerak zeraman furgoneta blindatu bat lapurtu nahi zuten. 21.45ak aldera, hiru terrorista Prosegur enpresako furgonetara hurbildu ziren eta beste hiru autoan geratu ziren itxaroten. Planaren arabera, ateetan bi lehergailu ipiniko zituzten eta, leherketaren ondoren, dirua hartuko zuten. Baina bonbek espero baino lehen eztanda egin zuten.

Hedatze-uhinak Pedro Manuel Escuder Gimeno zinpeko zaindariari bete-betean eragin zion. Eta GRAPOko hiru terroristak ere berehala hil ziren. Escuderren lankidea, Ignacio Hernández Ruiz, larriki zaurituta atera zen, baita beste bi pertsona ere.

Pedro Manuel Escuderrek 29 urte zituen eta Prosegur enpresako langilea zen. Furgonetaren gidaria zen. Uztailaren 10an ezkondu behar zen.