Pedro Goiri Rovira

Deskribapena

Pedro Goiri Rovira, emaztea, tabernako beste langile bat eta lagun bat biktimak lan egiten zuen La Pianola tabernan zeuden, jendearentzat itxita zegoela jada. Bi kaputxadun sartu ziren bat-batean lokalean, errebolberra eskuan zeramala batek, eta honela esan zuten: “ETAkoak gara”. Bildutako dirua ematea eskatu zuen, eta Pedrok erasotzaileari esan zion, tonu lasaian: “Nik ezagutzen zaitut”. Une horretan bertan, errebolberra zeramanak tiro bat egin, eta bihotzean jo zuen biktima. Biktima lurrera erori zenean, buruan emandako kulata kolpez errematatu zuen.

ETAk Goiriri poliziaren isil-mandataria izatea leporatu bazion ere, borroka antiterroristaren arduradunen hipotesia da terroristek bakar-bakarrik lapurreta egin nahi zutela baina, ezagutu zituztela konturatzean, zerbitzaria hil zutela, ez zezan hitz egin.

Pedro Goiriren hilketaren eguneko 16:00etatik aurrera Getxo inguruko taberna guztiek ateak itxi zituzten, doluaren adierazgarri.

Prentsa