Mohamed Ahmed Abderrahmán

Deskribapena

Mohamed Ahmed Abderrahmán Bilbo-Behobia autobideko Irungo ordainlekuan instalatutako Polizia Nazionalaren patruila batekoa zen. Gau horretan Mohamedek ez zuen zerbitzurik, baina berak eskatu zuen txanda egitea, etxera garaiz iritsi eta Jimo alaba, garun paralisiarekin jaioa, medikuarengana eraman ahal izateko. Halako batean bere ibilgailutik jaitsi, eta poliziaren beste auto batera hurbildu zen, beste lankide batzuekin zigarro bat erretzeko.

Taldekide batzuek, inguruko mendi batean baitzeuden eraso-fusilekin eta granada-jaurtigailu batekin armatuta, eraso egin zioten poliziaren patruilari. Granada batek bete-betean jo zuen Mohamed, eta hantxe bertan hil zen. Biktimak Euskal Herrira etortzea eskatu zuen, gehiago kobratzeko eta Jimo alabaren gaixotasunak eragiten zituen gastuei aurre egin ahal izateko. Aisha, emaztea, haurdun zegoen, eta laugarren ume izango zutena handik bi hilabetera jaio zen.

Prentsa