Modesto Rico Pasarín

Deskribapena

Modesto Rico Pasarín auto barruan, gidariaren eserlekuaren azpian, jarritako bonbak eztanda egin zuenean hil zen. Haren gorputza autotik kanpo atera, eta metro batzuetara zegoen ikastetxe bateko murru baten kontra jo zuen. Espaloi gainean poliziaren gorputz txikitua ikusteak ikara eta zirrara eszenak eragin zituen.

Izan ere, 1.800 ikasle zituen ikastetxe horretatik oso metro gutxira zegoen, eta ordu horretan eskola ume asko ari ziren bertatik igarotzen. Minutu batzuk lehenago, ikasleen bi autobus abiatuak ziren atentatua gertatu zen inguru horretatik, txango bat egiteko. Eta hurbileko auzo batetik eskola umeak zekartzan beste ibilgailu batek leku berean aparkatu behar zuen. Inguruko eraikinetan, ikastetxean bertan bezalaxe, hedatze-uhinaren indarrak leihoetako beira asko eta asko puskatu zituen. Atentatuak berezitasun bat zuen: lehergailua auto barruan zegoen jarrita, eta horrek zaildu egiten zuen detektatzea.

Prentsa