ETAGallery
Deskribapena
Deskribapena
ETA talde terroristak Eibarko tren-geltokian bahitu zuen Miguel Angel Blanco Garrido, gurasoen etxean bazkaldu ondoren lanera zihoanean. Irantzu Gallastegi Sodupe etakidea oldartu zitzaion, eta beste bi terrorista, Francisco Javier Gartzia Gaztelu eta Jose Luis Geresta Muxika, zeuden ibilgailuraino eraman zuen. Egin Irratiaren bitartez, ETAk 48 orduko epea eman zion gobernuari, ETAko presoak Euskal Herrira eraman zitzan. Hori egin ezean, exekutatu egingo zuten.
Taldeak gobernuari ezarritako ultimatuma amaitu eta berrogeita hamar minutura, ETAk bete egin zuen hitza, Lasarteko (Gipuzkoa) Chartel hotelaren eta Kotxeras auzoaren arteko eremu batean. Francisco Javier Gartzia Gazteluk bi tiro jo zizkion buruan PPko zinegotziari, belauniko jartzera beharturik, eskuak bizkarrean lotuta zituela eta Jose Luis Geresta Muxikak eusten ziola, Miguel Angelek mugitzerik izan ez zezan. Zinegotzi popularra handik gutxira aurkitu zuten txakurrekin paseoan zebiltzan bi pertsonak, eskuak lotuta, larri zaurituta eta artean bizirik zela. Ospitalean hil zen.
Miguel Angel Blancoren hilketa José Ortega Lara espetxe-funtzionarioa askatu eta gero gertatu zen. Espainia osoan haserre handia piztu zuen, eta Ermuan herritarrak kalera atera ziren auzokidea askatzea eskatzeko lehenik, eta erailketa gaitzesteko gero. Horri, ondoren, “Ermuko espiritua” esaten zitzaion.
Prentsa
