BesteakGallery
Deskribapena
Deskribapena
Jostailuzko kotxe txiki baten leherketak Maria Francisca Arauntzetamurgil Alkorta hil zuen. Biktima ahoarekin ari zen kotxetxoa manipulatzen, eztanda gertatu zenean. Kotxetxoaren pieza batek karotida ebaki zion, eta handik minutu gutxira hil zen. Lehergailu txikiak oso larri zauritu zuen, gainera, 16 hilabeteko biloba, besoetan baitzeukan, eta lau urteko beste biloba bat ere zauritu zuen. Biktimak turismo batean zihoazen beste bi seniderekin, umeen ama eta izebarekin.
Jostailua ahantzita bezala agertu zen, peluxezko jirafa baten ondoan, aurreko larunbat arratsaldean, taberna batean, Donostiako Narrika kaleko 22an, umeen izebak lan egiten zuen tokian. Emakumeak jostailuak gorde zituen, jabeak tabernara itzuliz gero ematearren. Ez ziren baina agertu, eta izebak jostailuak bere ilobei oparitzea erabaki zuen.
Prentsa
