ETAGallery
Deskribapena
Deskribapena
1983ko abuztuaren 5ean, 03:15 pasa zirela, ETAk Manuel Peronié Díaz udaltzaina hil zuen Oiartzunen (Gipuzkoa), lagun batekin etxerako bidean zela, hain zuzen biek ETAko hiru terroristari aurre egin zietenean bahitu ez zitzaten.
Atentatua Oiartzungo San Esteban plazatik 40 metro eskasera gertatu zen; herriko festak ari ziren ospatzen egun horietan. Manuel Peronié eta Victor Zabala laguna lehenaren ibilgailuan sartzear zeuden, ETAren Donostia komandoko hiru terroristak, pistolak eskuan, bidea moztu zietenean.
Lagun biak kaleko zintarrian eserarazi zituzten, Oiartzun eta Errenteria lotzen dituen errepidearen alde batean dagoen lorategi txiki baten ondoan, laugarren terroristak haiek bahitzeko erabili nahi zuten ibilgailua ekarri zain. Itxaronaldi horretan, minutua inguru izango zen, lagun biek behin eta berriro galdetu zuten zergatik bahitu behar zituzten, baina isilarazi egin zituzten, armekin mehatxu eginez. Alabaina, deskuidu une batean, ibilgailuan sartu behar zituzten unean, Manuel eta Victor korrika ihes egiten saiatu ziren, aldi berean laguntza eskatzen zutela deiadarka.
Une horretan, bahitzaileetako batek tiro egin zien. Manuel soinean eta iztartean jo zuen, eta Victorrek errepidean behera egin zuen ihes, pistolaz tiro eta tiro egin zion terroristetako bat atzetik segika zuela. Korrika egiteari uzteke, eta zaurituta egon arren, Victor Zabalak ihes egitea lortu eta Gurutze Gorriaren postu bateraino eraman zuen ibilgailu bat geldiarazi zuen. Atentatuaren lekutik gertu motor batean igaro zen gazte bikote bat ere jo zuten tiroek. Manuel Peronié ez zen atentatutik bizirik atera.
Prentsa
