Luis Andrés Samperio Sañudo

Deskribapena

1997ko apirilaren 24an ETAk garondoan tiroa joz hil zuen Luis Andrés Samperio Sañudo polizia inspektorea. Bi terroristak itxaron zioten, agentea Bilboko Deustu auzoko Madariaga Etorbideko bere etxeko atarira hurbildu arte, oso hurbildik garondoan tiro egiteko. Agentea etxera zihoan bazkaltzera, Polizia Nazionaleko Polizia Judizialaren Brigadako Estupefaziente Taldeko kide gisako bere lanaldia amaitu eta gero. Luis bakarrik itzuli zen, nahiz gauza arraro samarra izan hori, bazekien eta talde terroristaren helburua izan zitekeela.

Tiroaren ondotik etakide biek oinez egin zuten ihes, eta inguruan zeuden neska batzuk mehatxatu zituzten, aurpegia estaltzeko esanez, hain zuzen ezin izan zitzaten ezagutu. Hilketaren egileetako bat zaintzapean eduki zuen Ertzaintzak zenbait hilabete lehenagotik, horrek ez zuen, baina, atentatua egin zezan eragotzi.

Ajuriaeneko Ituna osatzen zuten alderdiek indarkeriari elkarrizketaren bidez amaiera emateko konpromisoa berretsi eta hogeita lau ordu baino gutxiagora gertatu zen hilketa.

Biktimak asmoa zuen urte horrexetako uztailean emaztearekin eta bi alabekin bere jaioterrira aldatzeko.

Prentsa