Justo Elizarán Sarasola

Deskribapena

1979ko irailaren 13an, goizean, Justo Elizarán Sarasola etxetik irten zen lanera joateko. Biarritzen (Frantzian) bizi zen. 8.15ak aldera, autoa abiaraztera zihoanean, Frantziako matrikula zeukan auto bat bere ondoan gelditu zen. Gizon bat jaitsi eta metraileta batekin tiro egin zion. Balazoak biriketara eta bizkar-hezurrera ailegatu zitzaizkion. Ospitalera eraman zuten, baina urriaren 5an hil zen zauri larrien ondorioz. Frantziako lau gizon zigortu zituzten atentatuaren ostean. Espainiako bi erakundek bere gain hartu zuten hilketa, Acción Nacional Española (ANE) eta Grupos Armados Españoles (GAE).

Justo Elizaran, ‘Periko’, Ipar Euskal Herrira ailegatu zen bost urte lehenago emaztearekin eta bi semeekin, zeintzuek ETAn sartu ziren. ETAko sortzaileetako bat izan zenaren tailer batean delineatzailea zen, Julián Madariagaren enpresan hain zuzen. Poliziaren arabera, ETA militarreko Informazio komandoen arduradunetako bat zen.

Prentsa