Juan Muñoz Lara

Deskribapena

Juan Muñozek ez zuen maiz trena erabiltzen. Baiana martxoaren 11an salbuespen bat egin zuen bere neskalagunarekin joateko. Elkarrekin oso denbora gutxi zeramaten, baina biak oso pozik zeuden. 32 urte zituen eta Adatel enpresan lan egiten zuen. Adatel Jazztel konpainiaren adar bat zen. Medikuak baja eman zion motorrarekin istripu bat izan zuelako. San Agustín de Guadalixen, Madrilgo mendietan, etxe bat erosi zuen. Denbora librea erabiltzen zuen etxe berrian dena prest uzteko. El Pozoko geltokian suertatutako eztandek bera eta bere neskalaguna erail zuten.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audioa

Prentsa