GRAPOGallery
Deskribapena
Deskribapena
1990ko martxoak 27an, arratsaldean, GRAPO erakundeko gizon bat eta emakume bat José Ramón Muñoz Fernández doktorearen kontsultategi pribatura sartu ziren, Zaragozan. 18.15ak aldera, azken gaixoa atera zenean, terroristak doktorean aurrean jarri eta hiru aldiz tiro egin zioten. Balazoek burua eta bularra zeharkatu zioten. Osagilea berehala hil zen. Hilketaren autoreak kartxela-zigorra jaso zuten.
José Ramón Muñoz Fernández ezkonduta zegoen eta hiru seme-alaba zituen. Miguel Servet ospitalean Barne-Medikuntza saileko burua zen. Hilabete batzuk lehenago, gose greban zeuden GRAPO erakundeko preso batzuei derrigorrezko elikadura ematearen alde azaldu zen. Espetxe-epaileak derrigorrezko elikadura ez zuen baimendu presoek konortea zuten bitartean, eta medikuak helegitea ipini zuen. Zaragozako Probintzia Auzitegiak, azkenean, medikuari arrazoia eman eta presoen bizitza salbatzea lortu zuen.
Prentsa
