ETAGallery
Deskribapena
Deskribapena
Jose Maria Urkizu Goiogana familiaren farmazian zegoela, bi terrorista sartu ziren, gizonezkoa eta emakumezkoa, odol lagin bat analizatzeko aitzakiarekin; izan ere, emakumea haurdun egon zitekeela esan zuten. Biktima mikroskopio gainean makurtu zenean, garondoan egin zioten tiro berbertatik, eta hantxe bertan hil zen. Erasotzaileek etxarte batetik egin zuten ihes, hirugarren terrorista bat zain zuten ibilgailu lapurtuan.
Durangoko farmazia guztiek itxi zuten, teniente koronelaren hilketagatiko gaitzespena adierazteko. Handik urte batzuetara, hilaren seme-alabek esan zuten aitak uko egin ziola ETAren xantaia onartzeari eta “iraultza-zerga” deitua ordaintzeari. Jose Maria Urkizuren alargun Mercedes Aranaga ETAk alargun utzi zuenetik lau urtera hil zen. Haien seme Javierrek dio aita hil zuten balek hil zutela, kamera geldoan, ama bera ere. Jose Maria Urkizuren aita ere ez zen askoz gehiago bizi izan; krimena gertatu zen gelaren aldamenean zegoen, jada 90 urte zituela.
Biktima euskalduna eta Bilboko Athletic taldearen bazkidea zen, eta oso inplikatuta zegoen Durangoko jarduera sozialetan.
Prentsa
