ETAGallery
Deskribapena
Deskribapena
1985eko azaroaren 25eko 08:20 zirela, Donostiako La Paz auzoan hiru etakidek sei militar zihoazen mikrobus bat metrailatu zuten. Bertan hil ziren Jose Manuel Ibartzabal Duque, Armadako bigarren mailako marinela, eta Rafael Melchor García, kabo lehen irrati-telegrafista. Hiru terroristak galtzada ondoan zeuden jarrita eta, autobus militarra parera iritsi zitzaienean, tiro egiten hasi ziren bere arma automatikoekin, eta ibilgailuak zuhaitz baten kontra jo zuen. Ibartzabal korrika atera zen, baina terroristetako batek segitu eta buruan egin zion tiro.
Militar biak Pasaiako Itsas Komandantziara zihoazen, metrailatu ondoren zuhaitz baten kontra jo zuen ibilgailu ofizialean. Biktima biak oso gazteak ziren: Jose Manuelek 20 urte zeuzkan eta Rafael, 26 urtekoa, bi umeren aita zen. Gainera, Ibartzabal soldadutza egiten ari zen eta, EFEren eta Herri Batasunaren beraren arabera, alderdi horren jarraitzailea zen. Eusko Jaurlaritzaren orduko bozeramaile Eugenio Ibartzabalen senidea ere bazen.
Luis Ángel Carballo Bahamonde, Manuel Rodríguez Santisteban eta Daniel Asensio Foriza militarrak ere zauritu zituzten atentatuan.
Prentsa
