José Luis López de la Calle

Deskribapena

Jose Luis López de la Calle Andoaingo etxera bueltan zetorren, egunkari batzuk erosi eta inguruko taberna batean gosaldu ondoren. Ataria ireki behar zuenean, terrorista batek berbertatik egin zion tiro. Hasieran bi tiro hartu zituen toraxean, eta ondoren lurrean errematatu zuten, lokian eta garondoan jotako tiroekin. Gorpuak hiru bat ordu egin zituen izara batez estalita, gorpua altxatu zuten arte.

Ignacio Pérezek hilketatik oso gutxira egindako argazkia hedabide askotan agertu zen. Hartan, biktimaren gorpua ikusten zen, izara batez estalita, asfaltoaren gainean odol putzuarekin kontrastea eginez. Ondoan, aterki granate bat eta eguneko egunkariak, Gara tartean.

Biktima Ermuko Foroaren fundatzaileetakoa zen, eta antifrankista beteranoa, PCEkoa izateagatik kartzelan egona; gainera, Langile Komisioen fundatzailea izan zen. Demokrazian ez zen PSOEn afiliatu, baina senaturako aurkeztu zen, Gipuzkoan, independente gisa. ETAren terrorismoa gogor gaitzesteak taldearen jomugan jarri zuen, baina uko egin zion Andoaindik alde egiteari, mehatxuak jaso eta ezezagunek etxearen kontra molotov koktelak jaurti arren.

Prentsa