ETAGallery
Deskribapena
Deskribapena
Jose Ignacio Iruretagoiena Larrañaga bi ikastetxeren ondotik ari zen igarotzen bere ibilgailuarekin, terroristek autoaren azpialdean jarria zioten lapa-bonbak eztanda egin zuenean. Jose Ignacio hiltzeko, terroristak biktimaren garaje partikularrean sartu ziren gauez. Kopilotuaren atea behartu, eta lapa-bonba bat jarri zuten gidariaren eserlekuaren azpian, tenporizadore batez programatuta.
Biktima udal hauteskundeetan PPk Zarautzen lortutako bi zinegotzietako bat zen. Bera zein aita egurketariak eta euskaldunak ziren. Biktimak uko egina zion poliziaren babesa eramateari, PPren kargu publikoek mehatxuak eta atentatuak jasaten bazituzten ere. Iruretagoiena harreman estua izana zen, halaber, 1995ean ETAk hil zuen Gregorio Ordóñezekin; hala, kidearekiko sentitzen zuen miresmenak eraman zuen politikan partaidetza aktiboa izatera.
ETA 2001ean sarraski bat eragiten saiatu zen, omenaldi batean Jose Ignacioren hilobiaren ondoan bonba bat jarri zuenean. Urruneko agintearen akats batek triskantza saihestu zuen.
Prentsa
