José Ángel Santos Laranga

Jaioterria: Galicia

Adina: 40

Seme-alabak: 0

Egoera zibila: Ezkonduta

Lanbidea: Beysa enpresako langilea, Elektrak azpikontratatuta

Atentatuaren data: 22/02/2001

Atentatuaren lekua: Donostia

Errudunak: Ainhoa García Montero

Arma: Bonba-autoa

Hiltzailea: ETA

Deskribapena

José Ángel Santos Laranga, beste lagun batzuekin batera, Martuteneko geralekuan zegoenean Elektra enpresara lanera joateko, ia-ia sei kilo lehergai zeuzkan bonba-auto bat leherrarazi zuen ETAk. Santos eta haren lagun Josu Leonet Azkune hantxe bertan hil ziren.

ETAren helburua Alderdi Sozialistako Ordiziako zinegotzi Ignacio Dubreuil hiltzea zen, baina hura bizirik atera zen, zauri larriak izan bazituen ere. Atentatua Dubreil eta eskolta Martutenen trenetik jaitsi zirenean gertatu zen; auzo hartan egiten zuen lan Dubreilek, Sartu zentro okupazionalean.

Atentatu indiskrimatu horrekin, talde hiltzaileak ez zuen bere helburua lortu, baina Elektra enpresako bi langile hil zituen, leherketaren hedatze-uhinak bete-betean harrapatu zituen eta. Elektra enpresako beste bi langile ere larri zauritu zituen leherketak, Igor Larrea Olano eta Jose Ignacio Urrestaratzu, erredurak, hausturak eta larruazaleko lesioak izan baitzituzten; horien ondorioz zenbait aste eman zituzten Donostiako Arantzazuko Ama ospitaleko Medikuntza Intentsiboaren Unitatean ospitaleratuta.

Atentatuaren biharamunean 20.000 lagun inguruk manifestazioa egin zuten Donostian, langile bien hilketagatik.