ETAGallery
Deskribapena
Deskribapena
Jorge Díez Elortza bizkartzaina Fernando Buesa Blanco politikari sozialista eskoltatzen ari zen, hura Gasteizko Araba kaleko bere etxetik irten eta bere semeetako batekin unibertsitate ingururantz abiatu zenean. Semea Ingeniaritza Fakultatean laga ondoren, politikariak eta bizkartzainak beste metro batzuk egin zituzten espaloian aurrera. Nieves Cano kaleko kantoira iritsi baino lehen leherketa handi bat izan zen, eta gizonezko biak hil zituen.
Bonba-autoa, 25 kilo lehergai eta metalezko bolaz osatutako metraila zeuzkan, hamarnaka metroko distantziatik zartarazi zuten ETAko kide batzuek, politikari sozialista eta bizkartzaina haren ondotik igarotzen ari ziren unean. Leherketa hiriaren zati handi batean entzun zen, eta baita Eusko Legebiltzarreko instituzioetan ere.
Biktima, ertzaina zen lanbidez, lehenago ere aritua zen ETAk mehatxatutako beste politikari batzuen segurtasunaren inguruan lanean, eta familia lasaitzearren honakoa esan ohi zien: «Nola tokatuko zait niri hainbesteren artean?».
Prentsa
