ETAGallery
Deskribapena
Deskribapena
Joaquín Gorjón González Basauriko tren geltokian zain zegoen, 1981eko uztailaren 10ean, Bilbora joateko, han egiten baitzuen lan aduana-agentzia bateko enplegatu gisa; une horretan, ETAko terrorista batek pistola atera eta bi tiro jo zizkion biktimari, bizkarrean bat eta lepoan beste bat. Biktima hil egin zen, eta terroristak geltokitik kanpo zain zuen auto baten egin zuen ihes.
Etakideek pistolaz lapurtua zuten autoa Deustun, eta atentatua egin ondoren, gidaria aske utzi zuten, ordura arte turismo barruan eduki baitzuten atxikita. Basauriko Udaltzaingoak alarma eman zion Bilboko Guardia Zibilari, etakideek ihes egiteko erabili zuten autoa aurkitu zezaten. Orduan jazarpena gertatu zen Bilboko Zazpikaleetan; han etakideek autoa utzi, eta oinez segitu zuten ihesi, hiri erdiko kaleetan barrena.
Jazarpen horretan etakideek bi pertsona erabili zituzten ezkutu gisa, Guardia Zibilarekin izandako tiro truke batean: Aurora Muxika Muxika, arin zauritua, eta Ovidio Ferreira Martín, larri zauritu eta atentatutik lau egunera hil zena bera. Ihesean zauritua izan zen, halaber, Sebastián Etxaniz etakidea.
Prentsa
