Jesús Sobral Otero

Deskribapena

2000ko maiatzak 8an, goizean, GRAPO erakundeko komando bat –hiru gizon eta emakume bat- Vigoko errepide batera joan ziren Prosegur enpresako furgoneta blindatu bati bidea mozteko. Dirua lapurtu nahi zuten. Kalean bonba bat utzi zuten eta beste bat auto batean ipini zuten. Hirugarren bat ere ezkutatu zuten, kontainer batean.

7.45ak aldera, hiru lehergailuek aldi berean eztanda egin zuten. Furgoneta gelditu zen eta, orduan, terroristek Molotov koktel bat jaurti zioten. Zaindariak jaitsi zirenean, tiro egin zieten. Balazoek Jesús Otero Sobral zaindariaren organoak zeharkatu zituzten, baita Gonzalo Torres Lageren burua ere. Berehala hil ziren biak. Hirugarren zaindari bat, Marcos Martín Ponce terrorista eta hiru oinezko –haien artean 15 urteko nerabe bat- zaurituta suertatu ziren. Terroristek dirurik gabe ihes egin zuten.

Jesús Sobral Otero ezkonduta zegoen eta oso txikiak ziren bi seme-alaba zituen. Zaindaria zen. Atentatuaren momentuan, furgonetaren gidariaren ondoko eserlekuan zihoan. Xeral-Cíes ospitalera eraman zuten odol-galtze handiarekin. Gibelean eta hesteetan zauri larriak zituen. Ebakuntza batean hil zen.

Prentsa