Francisco Gil Mendoza

Deskribapena

1991ko abuztuaren 7an, 22:30 pasatxo zirela, Juan Ramón Rojo González etakideak, txanoa jarria eta subfusil batez armatua, Francisco Gil Mendoza hil zuen Irunen. Franciscorekin Alfredo anaia zegoen, baina ihes egin ahal izan zuen hil zezaten baino lehen, ikusi baitzuen ETAko terrorista armadun bat zetorkiela. Francisco Gil handik ordu batzuetara hil zen osasun zentro batean.

Alfredo Gilek anaiari laguntzeko eskatu zien krimenaren lekuan zeuden eta gertatua ikusi zuten gazteei, baina inork ez zien lagundu nahi izan. Alfredo atentatu lekuaren parean zegoen tabernan sartu zen, baina Herri Batasunako jarraitzaileak joan ohi ziren toki bat zen, eta Alfredo ikusi zutelarik anaiarentzako laguntza eskatuz, zerbitzarietako batek edalontzi bat bota zion eta musikaren bolumena igo zuen.

ETA saiatu bazen ere hilketa Gil Mendoza anaiek estupefazienteen trafikoarekin zuten ustezko lotura zela-eta justifikatzen, biktimaren familiak gutun bat bidali zuen, horretan ziurtatuz autokontsumorako dosi batzuekin tratu txikietan ibili arren ez zela narkotrafikatzailea.

Prentsa