Francisco de Asís Liesa Morote

Deskribapena

Francisco de Asís Liesa Morote kapitaina Amadeo Deprit kalean bizi zen. Komando terrorista bat bertaraino joan zen, eraikineko atezaina destatu eta kapitainaren etxeraino eramatera behartu zuten; kapitainak berak ireki zien atea. Emaztea ere, Claudia Mestre, etxean zegoen, eta baita yateko patroi titulurako ikasten ari ziren nautikako hiru ikasle ere. Terroristak ikusi zituenean, militarraren emazteak “Asesinos, asesinos” egin zuen deiadar.

Behin barruan zirela, terroristetako bat aldameneko gela batean itxi zen Franciscorekin; bost bat minutuko solasaldia izan zuten. Amaitzean, gelako atea ireki eta “amaitu dugu” esan zuen. Hitzik esan gabe, tiro bakarra egin zion, berbertatik eta lokian, Francisco de Asísi. Lau terroristek oinez egin zuten ihes, argirik gabeko eremuetan barrena.

Francisco Liesaren hileta elizkizunaren goizean, Bilboko erdiguneko kaleetan kartel batzuk agertu ziren, honela ziotenak: «No queremos medallas, queremos a nuestros maridos».

Prentsa