ETAGallery
Deskribapena
Deskribapena
Fernando Buesa Blanco etxetik irten zen Gasteizko Araba kalean, eta unibertsitate ingururantz abiatu zen, bere semeetako batekin eta Jorge Díez Elortza bizkartzainarekin. Semea Ingeniaritza Fakultatean laga ondoren, politikariak eta bizkartzainak beste metro batzuk egin zituzten espaloian aurrera. Nieves Cano kaleko kantoira iritsi baino lehen leherketa handi bat izan zen, eta gizonezko biak hil zituen. Bonba-autoak 25 kilogramo lehergai eta boladun kojinete zeuzkan, eta hamarnaka metrotatik leherrarazi zuten ETAko kide batzuek, politikari sozialista eta bizkartzaina igarotzen ari ziren unean. Leherketa hiriaren parte handi batean entzun zen, eta baita Eusko Legebiltzarreko instituzioetan ere.
Fernando Buesa Eusko Jaurlaritzaren lehendakariorde izan zen 1990 eta 1994 bitartean, eta bere karreran zehar indarkeria terroristaren gaitzespen sendoa izan zuen ezaugarri. Izan ere, hil aurreko larunbatean, ¡Basta Ya! erakundeak Donostian ETAren eta Euskadiko askatasun faltaren kontra protestatzeko egin zuen manifestazioan izan zen Buesa. Hil bezperan egin zuen bere azken diskurtsoa Legebiltzarrean, EAJri kale borrokagatiko erantzukizuna eskatuz horretan.
Hilketa ondoren, Fernando Buesa Fundazioa sortu zuten, politikari sozialistaren oroitzapenari bizirik eustearren.
Prentsa
