ETAGallery
Deskribapena
Deskribapena
Migel Etxebarria Iztueta etakidea, ihes betean zihoala, Fermín Monasterio Pérezen taxian sartu eta Euskal Herritik atera zezala eskatu zion. Taxilariak ikusi zuenean su-armaz zauritutako pertsona bat zeramala, zauri horiek azaltzeko eskatu zion, bestela ez baitzuen gidatzen segituko. Etakideak lau tiro jo zizkion berbertatik bihotzean, toraxean, iztartean eta eskuan.
Migel Etxebarria, Mario Onaindia, Txutxo Abrisketa eta Victor Aranak 1969ko apirilaren 9an Kantabriatik itzultzea erabaki zuten, astebete ezkutuan eman eta gero. Asmoa zuten Bilboko Artekaleko etxe batera itzultzea, baina Poliziak aurkitu egin zuen etxea, eta barruan zegoen haien zain. Poliziak Onaindia, Abrisketa eta Arana harrapatu zituen, baina Etxebarriak ihes egitea lortu zuen, bi tiro jo bazizkioten ere. Etxetik jaitsi zenean Fermín Monasterioren taxia ikusi zuen.
Taxi lapurtuarekin Orozkoraino iristea lortu zuen etakideak, eta han Legioan erizaintzako teknikak ikasi zituen bizilagun batek artatu zuen. Frantziara ihes egin eta, azkenean, hogeita hamar urte geroago, 1998an, Mexikoko San Luis Potosí herrian atxilotu eta agintari espainiarren esku utzi zuten. Zortzi urteko kartzela zigorra besterik ez zioten ezarri, lehergailuak egiteagatik, zeren eta 1977 baino lehenagoko gertaerak, Fermín Monasterioren hilketa tartean, amnistiatuta baitzeuden.
Prentsa
