ETAGallery
Deskribapena
Deskribapena
1979ko urtarrilaren 31ko 09:30ean Félix de Diego Irungo Herreria tabernan zegoen bere emazte Dolores Etxeberriarekin; taberna emaztearen familiarena zen. Bi etakide lokalean sartu eta, hitzik esan gabe, berbertatik egin zioten tiro, bihotzean, sabelean eta zangoan. Biktima hilik iritsi zen Gurutze Gorriaren Ospitalera. Handik gutxira, ETAk Guardia Zibilaren “salataria” izatea leporatu zion Félix de Diegori.
Egiaz, biktima erakunde armatuko agente izana zen. Izan ere, José Antonio Pardines Arcayren lankidea zen, ETAk hildako lehenarena alegia, 1968ko ekainaren 7an terroristek hura tiroz hil zutenean. Gertaera haren ondotik Félix de Diego bizirik atera zen auto istripu larri batetik, baina erretiroa hartu behar izan zuen. Geroago, bizi kalitatea neurri handi batean kaskartu zion giltzurruneko minbizia ere izan zuen. Baina ETA izan zen haren biziari azkena eman ziona. Hilketagatik zigortutako hiruretatik, egiletzat hartutakoetako bat Fernando Arburua Iparragirre fraide kaputxinoa zen. Arburuak eta bere bi konplizeek umezurtz utzi zituzten Félix de Diegoren bost seme-alabak, orduan bost eta hamaika urte bitartekoak.
Prentsa
