Fabio Moreno Asla

Deskribapena

1991ko azaroaren 4an, ETAko bi terroristak lapa-bonba bat jarri zuten Erandion destinatutako Antonio Moreno guardia zibilaren ibilgailuaren azpialdean. Ibilgailu partikularra zen, bakar-bakarrik familiarekin joan-etorriak egiteko erabiltzen zuena, zehazki emaztearekin eta bi urteko bi seme bikiekin.

Hiru egun geroago, azaroaren 7an, Antonio bere semeetako bat jasotzera joan zen Getxoko igerileku estali batera. Bonba bihurgune batean lehertu zen, Erandioko sarreran. Umeetako bat, Fabio Moreno Asla, hantxe bertan hil zen, eta Alexander anaiak zango batean erredurak izan zituen, eta tinpanoa zulatuta. Aitak, Antoniok, bi urte baino gehiago behar izan zituen zaurietatik osatzeko.

Iñaki Artetaren Trece entre mil filmean, gailua lehertu ondorengo uneak kontatu zituen Antonio Morenok. “Autoaren atzeko aldea ireki eta Alex atera nuen, ondo zegoen; baina okerrena Fabio ateratzera joan nintzenean izan zen, zatika atera behar izan bainuen. Ez dakizu nola eutsi, alde guztietatik erortzen zaizulako. Bonba lehertu zenean, tinpanoak lehertu zizkidan. Ez nuen ezer entzuten, ez nekien zer ari zen gertatzen (…). Pentsatzen duzun lehena da zergatik nire semeari eta ez niri. Teorian filmeko gaiztoa neu naizela esango genuke”.

Juan Carlos Iglesias Chouzas etakidea, Gadafi ezizenekoa, Fabioren hilketagatik eta beste 19 krimenengatik zigortu zuten.

Prentsa