Esteban Álvarez Merayo

Deskribapena

Esteban Álvarez Merayo zihoan ibilgailua Polizia Nazionalaren sei furgonetaz osatutako konboi baten parte zen; Loiolako kuartelera zihoan. Agenteek segurtasun operatibo batean parte hartu zuten Donostian eta probintziako beste herri batzuetan, Tomas Linaza etakidea Frantziatik estraditatzeko aukeraren inguruko eztabaida zela-eta istiluak eta manifestazioak izan zitezkeelako. Lanaldia amaitu ondoren, Loiolako kuartelera itzultzen ari ziren, hantxe baitzuten basea.

Agenteak Amara eta Loiola auzoak lotzen dituen autobiatik zihoazenean lehertu zen Polizia Nazionalaren kabo lehena zihoan furgoneta bete-betean harrapatu zuen lehergailu indartsua. Esteban ia-ia hantxe bertan hil zen, eta ibilgailu berean zihoazen beste lau poliziak ere zauritu zituen eztandak. Lehergailuak goma-2 kantitate handia zeukan, baita zortzi-hamar bat kilo torloju eta azkoin handi ere.

Prentsa