ETAGallery
Deskribapena
Deskribapena
Ernest Lluch intelektual ezaguna zen. Ekonomia katedraduna zen Bartzelonako Unibertsitatean, saiakera-idazlea ere, eta La Vanguardia, El Diario Vasco, El Correo eta Cadena Ser komunikabideetan kolaborazioak egiten zituen. Saiakera-idazle bezala, ekonomiaren historiari buruzko hainbat liburu idatzi zituen, batez ere Kataluniari buruzkoak. Politikaria ere bazen. 1960ko hamarkadan frankismoaren aurkako mugimenduetan parte hartu zuen. Ikaslea zenean, oposizio demokratikoarekin bat egin zuen eta Ekonomia fakultatean ikasleen ordezkaria izan zen. 1977ko hauteskunde orokorretan, Socialistes de Catalunya koalizioko hautagaia izan zen Gironan eta diputatu izendatu zuten. Felipe González presidenteak Lluch aukeratu zuen Osasun ministro bezala bere lehenengo Gobernuan (1982-1986).
2000ko azaroaren 21ko gauean, Unibertsitateko klaseak amaituta, Lluch etxera zihoan. Bartzelonako Txile hiribidean bizi zen. Etxeko aparkalekura ailegatu zenean, José Ignacio Krutxaga ETAko terroristak bi aldiz tiro egin zion buruan. Berehala hil zen.
2001. urtean, Dèria argitaletxeak ‘¿Qué piensa Ernest Lluch?’ liburua argitaratu zuen. Marçel Sintes kazetariak 1996an egin zion elkarrizketa luzea jasotzen zuen. Galderetako bat hau zen: “Mehatxatu al zaitu ETAk?”. Hona hemen erantzuna:
“Terroristak atzetik ditut. Zehaztasunik ez dut emago zorte ona izan dugunok martiriak ez garelako. Dena den, beldurra badut noizbat”.
Prentsa
