Constantino Limia Nogueiras

Deskribapena

1989ko martxoaren 10an, goizean, Guardia Zibileko agenteak ziren Pedro Cabezas González eta Constantino Limia Nogueira Donejakuen zeuden, Platerías plazan. Bertan Espainiako Bankuaren bulego bat zegoen eta 24 orduko zaintza zerbitzu bat zeukan.

11.30ak aldera, GRAPO erakundearen bost kideko –hiru gizon eta bi emakume- talde ibiltari bat agertu zen. Pistolak zeuzkaten eta eraikinean sartu ziren. Hurbil-hurbiletik bi agenteak tirokatu zituzten. Balazoak buruan eta lepoan jaso zituzten eta berehala hil ziren. Terroristek agenteen armak lapurtu zituzten baina ezin izan zuten kutxa gotorra ireki. Emakumeetako bat beste atentatu batean hil zen, baina besteak zigortu zituzten. 60 urtetara ailegatzen ziren kartxela-zigorrak jaso zituzten.

Constantino Limiak 57 urte eta hiru seme-alaba zituen. Atentatuaren aurretik, emaztea hara hurbildu zen eta bazkaria utzi zion. Berria jaso zuenean, handik oso hurbil zegoen eta bere senarraren gorpua lurrean ikusi zuen.

Prentsa