Carlos González Martínez

Deskribapena

Carlos González Martínez 21 urteko psikologia ikaslea zen Madrilgo Complutense Unibertsitatean. 1976ko irailaren 27an, FRAP erakunde terroristako José Humberto Baena, José Luís Sánchez Bravo eta Ramón García Sanz kideen eta ETA erakunde terroristako Ángel Otaegui eta Juan Paredes Manot kideen exekuzioen lehenengo urteurrenean, zenbait protesta manifestaldi egon ziren Madrilen, Coordinadora Pro-Amnistia erakundeak deituak.

Carlos González kontzentrazio horietako batera joan zen, Madrilgo Barquillo kalean. 150 pertsona inguru bildu ziren han. Dena den, grisak sartu ziren manifestaldira, Guerrilleros de Cristo Rey talde baten laguntzarekin, eta gogor jo zieten manifestatzaileei. Eskuin muturreko batek pistola bat atera eta lau tiro bota zituen. Horietako bik Carlos jo zuten, bizkarretik, metro batetik beherako distantziatik. Balek gerrialdean eman zioten eta giltzurrun bati, hesteei, birikari eta pleurari eragin zieten. Biharamunean hil zen.

Ez zen inolako ikerketarik edo atxiloketarik gertatu Carlos Gonzálezen hilketarengatik. Epaiketarik ere ez zen egon. Auzitegi Gorenak terrorismoaren biktima gisa aitortu zuen 2006an, bere atentatuaren 30 urte bete zirenean. Hala ere, ez zitzaion aitortu Estatuaren aldetiko kalte ordaina jasotzeko eskubidea, bere amak, Margarita Martínez Corredorek, eskatu zuen moduan.