ETAGallery
Deskribapena
Deskribapena
Cándido Cuña Gonzálezek jasan zuen lehen atentatua 1979an izan zen; terroristek zortzi tiro egin zizkioten baina bizirik atera zen. Bere bizimoduarekin segitu zuen, eta Errenteriako Zubiaurre kaleko Tres Cepas tabernara joan ohi zen. 1983ko urriaren 20an bi terroristak atetik deitu zioten, eta berbertatik egin zioten tiro.
Haren hiru seme-alabetako bi izan ziren atentatuaren lekura iristen lehenak. Haietako batek, Manuk, elkarrizketa batean kontatu zuen nola bizi izan zituzten atentatuaren ondorengo egunak: “Nire amak korridorean eserita eman zituen hurrengo hiru egunak, etxeko atea zabalik, nire aita handik sartu zain”. ETAk Guardia Zibilaren kolaboratzaile izatea egotzi zion okinari; egiaz, agenteekiko harremana haiei herriko kuartelean ogia saltzera mugatzen zen.
Prentsa
