GRAPOGallery
Deskribapena
Deskribapena
1988ko urriaren 4an, 9.30ak aldera, Bernardino Ortega Ransanz polizia nazionala NANaren bulegoen atean zegoen, Santa Engracia kaleko 18. zenbakian. Ibilgailu bat eraikinaren ondoan gelditu zen. Autotik GRAPO taldearen hiru kide jaitsi ziren eta NANak eskatzen ari zen jende ugariren artean nahastu ziren. Terroristetako bat Bernardino Ortegari hurbildu zitzaion eta masailalbo-hezurrean tiro egin zion. Polizia lurrera erori zen eta terroristak berarekin akabatu nahi izan zuen. Agenteak, hala ere, balazoa ekidin zuen. Dena den, terroristak poliziari pistola lapurtu zion. Bien bitartean, beste bi terroristak eraikinean sartu ziren NAN berriak lapurtzeko bertakoak mehatxatu eta gero. José María Herrero, Bernardino Ortegaren kidea, terroristak gelditzen saiatu zen, baina hankan tiro egin zioten.
Bernardino Ortega Gurutze Gorriaren ospitalera eraman zuten, Reina Victoria hiribidean. Baina hara ailegatu aurretik hil zen. Boos herrian (Soria) jaio zen eta han hilobiratu zuten. Ezkonduta zegoen eta bi alaba zituen, zortzi eta hamabost urtekoak.