ETAGallery
Deskribapena
Deskribapena
Bi terroristak egin zuten atentatua, Arturo Quintanilla Salas, emaztea eta 15 urteko alaba zaharrena autoan sartu zirenean beren jabetzako Jose Mari taberna itxi ondoren etxera joateko.
Alabak, hilketaren lekuko zuzenak, honela kontatu zion El País egunkariari atentatua: “Nire aita autoa arrankatzen ari zen, eta orduan auto ilun bat, urdin edo beltz bat, hurbildu zen; gure ondoan jarri, eta gidariaren ondoan eserita zegoenak leihoko beira jaitsi, burua eta besoa atera eta tiroka hasi zitzaigun, berbertatik hain zuzen ere kalea oso estua baita eta bi auto justu-justuan pasatzen baitira. Lehen tiroarekin nire aita albo batera erori zen, eta amak eta biok aurpegian sentitu genuen balek nola ukitzen gintuzten; hirurak hil gintzaketen. Tiro egiten ari zenak kazadora iluna eta betaurreko beltzak zeuzkan, eta ile motza”.
Arturo Quintanillak ETA militarraren mehatxuak zituen jada jasoak, eta lehergailuak jarri zizkiotelako abisuak ere hartuak zituen. ETA ahalegindua zen hari estortsioa egiten, hamar milioi pezeta eskatzen baitzizkioten, eta Quintanilla Frantziara joan bazen ere terroristekin harremanetan jartzeko, ez zuen lortu.
Prentsa
