Antonio Ramos Ramírez

Deskribapena

Antonio Ramos Ramírez Arrasateko San Andres auzoko taberna batetik irten eta bere autorantz abiatu zen. Handik gutxira talde terroristako kide batzuk ibilgailura inguratu eta metrailatu egin zuten, kabo lehena izugarri larri utziz. Biktima hilik iritsi zen Arrasateko osasun zentrora. Hil zutenean ez zeraman jantzita arauzko uniformea; beraz, etakideek haren ohiturak zainduak zituzten lehendik.

Ez zen ETA Antonio Ramos hiltzen saiatzen zen lehen aldia, zeren eta 1983an bizirik atera zen José Reyes Corchado guardia zibila hil zuen bonba lehertu zen atentatutik.

Antonio Ramosen kontrako atentatuaren biharamunean, Guardia Zibilaren hiru ibilgailuz osatu konboiari eraso egin zioten Hernanik, hildakorik gabe ordea. ETAk hasia zuen horrenbestez uda parteko beldur kanpaina, eta ehun ordezkaritza diplomatiko baino gehiagori eta atzerriko 89 hedabideri bidalia zien udaldia Espainian igarotzea zein arriskutsua zen aditzera ematen zuen komunikatua. Urte horrexetako ekainaren 22ko hauteskunde orokorren aurretiko indarkeriazko presio egite bat ere bazen.

Prentsa