ETAGallery
Deskribapena
Deskribapena
Antonio Ramírez Gallardo Ordiziako kuartelera destinatu zuten. Han ezagutu zuen Hortensia González, 20 urteko gaztea, Cádizkoa bera ere, San Roquekoa, kuartelean bizi zituen ahizpa eta koinatua bisitatzera joana baitzen. Hortensia, 1979ko Gabonetan, Ordiziara joan zen, opor egun batzuk ahizparekin igarotzeko eta Antonio Ramírez bisitatzeko, ezkontzeko asmotan ziren eta.
Errege egunean festa batera joan ziren Beasainera, eta irteeran stop batean gelditu zuten autoa; une horretan, ETAko terroristek aukera baliatu zuten, ibilgailuaren albo banatan jarri eta tiro egiteko. Bikotekideak hantxe bertan hil ziren: Antoniok zortzi bala-tiro jaso zituen, eta Hortensiak hamar. Antonioren gorputza klaxonaren gainera erori zen, eta ia-ia ordu erdi batez jotzen egon zen hura, inor laguntzera hurbildu gabe, asko baziren ere une horretan dantzalekutik ateratzen ari ziren pertsonak. Azkenean hiru gazte iritsi, eta Antonio eta Hortensia San Migel klinikara eraman zituzten, baina medikuek egin ahal izan zuten bakarra bien heriotza egiaztatzea izan zen.
Hortensia izan zen ETAk segurtasun indarren agente batekin lotura izateagatik hil zuen lehenbiziko emakumea. ETAk ohar egin zuen atentatua abisua zela “Euskadiren etsai guztientzat eta, pertsonalki, haien senideentzat”.
Prentsa
