ETAGallery
Deskribapena
Deskribapena
2002ko abenduaren 17an, 16.00ak aldera, Guardia Zibileko agenteak ziren Antonio Molina Martín eta Juan Aguilar Osuna Madril-A Coruña errepidean zaintza lanak egiten ari ziren. Collado-Villalba udalerrian zeuden, hain zuzen ere. Ford Escort batek haien atentzioa jaso zuen. Antonio Molina patruilatik jaitsi eta Ford Escort horretan zihoazen bi pertsonak identifikatzera joan zen. Haietako batek hurbil-hurbiletik hiru aldiz tiro egin zion eta berehala hil zen. Juan Aguilar lankideak terroristekin tiroketa bat hasi zuen. Besoan zaurituta suertatu zen eta behin-betiko desgaitasuna izan zuen. ETAko kide bat ere zaurituta atera zen eta han bertan atxilotu zuten. Bere kidea Donostian harrapatu zuten hurrengo orduetan. Autoan 180 kiloko lehergailu bat zeramaten eta Madrilen erabili nahi zuten hainbat merkatal-guneetan prestatuta zeukaten aldi bereko atentatuetan.
Antonio Molinak 27 urte zituen. Hileta-elizkizunean, orduko Barne Saileko ministroak, Ángel Acebes, ondokoa esan zuen: “Bizitza eman du besteena salbatzeko. Lurperatu berri dugun Molina heroia da”.