ETAGallery
Deskribapena
Deskribapena
1985eko uztailaren 9an ETAk Juan Merino Antúnez eta Antonio Jesús Trujillo Comino guardia zibilak hil zituen Donostian, goizeko lehen orduetan. Zaintza-zerbitzuan ari ziren Donostiako Ogasuneko Ordezkaritzan, Okendo kalean. Bi terroristak, zapi gorria lepoan lotuta zeramatela sanferminetan ohi moduan, polizien autora inguratu ziren, egun horietan goizeko lehen orduetan Euskal Herriko hiriburuetara itzultzen ziren milaka gazteetakoak zirelako itxurak eginez.
Ibilgailu ondora iritsi eta autoaren alde bietatik batera hasi ziren tiro egiten, aurreko leihoetatik zehar; hantxe bertan hil zituzten guardia zibilak. Bata bestearen kontra etzanda geratu ziren, buruan, lepoan eta sorbaldetan zenbait tiro hartu eta gero.
Juan eta Antoniok bi hilabete eskas zeramatzaten Donostian destinatuta, eta Valdemoroko (Madril) Guardia Gazteen Eskolako graduatu berriak ziren. Madrilgoak ziren biak, eta Ogasuneko Ordezkaritzaren zaintza-lana egiten zuten; izan ere, eraikin hark zenbait atentatu jasanak zituen jada, eta lehergailu abisuak ere maizkoak zituen. Juanek 21 urte zituen, ezkondua zen eta ez zuen seme-alabarik. Antoniok 22 urte zeuzkan, eta ezkongabea zen, baina hil zuten hilaren hurrengorako zeukan ezkontzarako data jarrita.
Prentsa
