Antonio Gómez García

Deskribapena

Antonio Gómez García koma egoeran ospitaleratu zuten Enrique Cuesta hil zuten atentatuaren ondoren, baina martxoaren 31n hil zen. Cuesta Telefónicaren ordezkaria zen Gipuzkoan, eta babesa zuen, ETAk ordurako zenbait aldiz atentatu baitzuen konpainiako kargudunen kontra.

Atentatua bi pertsonak egin zuten, Aurrezki Kutxa Probintzialaren kantoiaren ondoan baitzeuden zain, Donostiako Amara auzoko Antso Jakitunaren etorbidean. Enrique Cuesta egunero arratsaldeko hiruretan irteten zen Telefónicak Familia Santuaren kalean zeukan ordezkaritzatik, gertaeren lekutik oso gertu, eta oinez joaten zen etxeraino, aipatu etorbideko sei zenbakian zegoen eta. Gertatua ikusi zuten lekukoek esan zuten terrorista biak aurrez aurre jarri zitzaizkiela Telefónicaren ordezkariari eta haren eskoltari, eta pistolekin tiro egiten hasi zirela hitzik esan gabe. Lehenik eskoltari egin zioten tiro: bala batek eskuineko hemitoraxean jo zuen Antonio Gómez García polizia, birika zulatu eta okzipitaletik atera zitzaion, garun-masaren parte bat eramanez. Ondoren, berbertatik tiro egindako beste bala batek Enrique Cuestaren bihotza txikitu zuen.

Hil zezaten baino urtebete lehenago, 1981eko otsailaren 23an, Antonio Gómez eskolta Txiki Benegas sozialistari ari zitzaion zerbitzua ematen 23-F bitartean. Gómez Kongresuan zegoen 23-F bitartean, eta kolpistei aurre egiten saiatu zen, bere lana betetzearren. Hasiera batean uko egin bazion ere arma entregatzeari, azkenean pistola kendu zioten eta beste polizia batzuekin giltzapetu zuten.

Prentsa