ETAGallery
Deskribapena
Deskribapena
Antonio García Argente hiru lankiderekin (Alfonso Martínez Bellas, Mariano González Huergo eta Miguel Hernández Espigares) ari zen bazkaltzen Arrieta taberna-jatetxean. Ate nagusia itxita zegoen jada, baina norbaitek atzeko atea jo zuen. Jabearen alabak, hamabost urtekoak, atea ireki zuenean berandu iritsitako bazkaltiarren bat izango zelakoan, hiru terrorista sartu ziren, hitzik esateke, eta metraileten tiro-jasaz josi zituzten biktima eta haren lankideak. Lau biktimak hantxe bertan hil ziren.
Hiru etakide kondenatu zituzten krimenagatik: Jose Ramon Foruria, Venezuelako agintariek 2003an entregatua, establezimenduaren krokisa marrazteaz eta atentatuaren plangintzaz arduratu zen; Javier Rementeria zaintza-lanen eta atentatugileei informazioa ematearen arduraduna izan zen; Fidel Gonzálezek bere automobila jarri zuen, eta zenbait egunez gorde zituen terroristak etxe batean, baita atentatua egin zuten eguneko gauean bertan ere.
Antonio Garcíaren amak Guardia Zibilaren kuartelera hots egin zuenean jaso zuen semearen heriotzaren berri, artean ez baitzekien atentatua izan zenik. Izan ere, okerreko zenbakia markatu eta herriko mediku baten kontsultara hots egin zuen, hain zuzen une horretan atentatuaren biktimak artatzen ari zirela bertan. Orduantxe esan zioten semea hilik zuela.
Prentsa
